Unica Radio App
farmacia

Is Pregadorias antigas: su signu de sa devotzioni

Unu líbburu de is pregadorias antigas chi fait parti de is interventus de su programma de amparu e de avaloramentu de su patrimóniu culturali de sa Província de su Campidanu de Mesu

Is Pregadorias Antigas: su signu de sa devotzioni” est unu líbburu chi fait parti de is interventus de su programma de amparu e de avaloramentu de su patrimóniu culturali de sa Província de su Campidanu de Mesu, inghitzau giai de candu est nàsciu s’Enti e svilupau asuba de cuntestus diferentis, de cussu folclorísticu e de su costumu, a cussu linguísticu, musicali, literàriu e artísticu, e arrapresentau in manera simbólica e sinnificativa de su primu volúmini, pubricau in su 2009, asuba de su cantu a repentina “Tradizione poetica nella Provincia del Medio Campidano”.

Is Pregadorias” , sintesi de unu trabballu, fatu in duus annus de circa, de analisi e de stúdiu, si cumponit de documentus e testimóngius, importantis po cantidadi e po calidadi, acapiaus a is pràtigas litúrgicas e paralitúrgicas, caraterizadas de pregadorias, cramas e, prus de calincuna borta, de imbalapipius, chi arricaus de fórmulas arripítias e de una strutura métrica organizada, si  presentant che Cógius.

Patrimóniu culturali de is 28  comunus de su territóriu provinciali chi ant donau un’agiudu de importu mannu e arricu, su líbburu achirit valori po s’originalidadi e s’unicidadi de unus cantu  cumponimentus e de is contenutus cosa insoru, de raru prégiu poéticu puru, lassendi a is generatzioni benidoras is memórias de su passau, asuta de forma de aina chi totus is citadinus podint consultai e gosai, in sa versioni “on line” puru.

De profetu po àterus aprofundamentus e stúdius: a dispositzioni de sa Scola, po circas specíficas, de studiosus o amantiosus chi bolint fai circas e stúdius asuba de cumponimentus particularis o de cuntestus stóricus e socialis de arrelatu.

Su líbburu, in paperi, est stétiu spartzinau in is scolas, in is bibliotecas comunalis, in is sistemas bibliotecàrius de sa Sardigna, in is Universidadis sardas, in s’Arcivu de Stadu, in is Subrintendéntzias, in Diócesis, in is bibliotecas provincialis e in sa Regionali, ma est stétiu fatu in formau digitali puru de manera chi si potzat castiai “on line”

Rassegna Significante

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Confinamento

Libri: “Cronache di una pandemia, giorni vissuti in confinamento”

Diario dei due mesi di emergenza firmato per Domus de Janas dalla giornalista Francesca Mulas …

Lascia un commento

Il tuo indirizzo email non sarà pubblicato. I campi obbligatori sono contrassegnati *