Home / Articoli / Incontri e workshop / Ispàtziu: astronàuta Roberto Vittori a Casteddu
Unica Radio App

Ispàtziu: astronàuta Roberto Vittori a Casteddu

De su 17 làmpadas chimbe dies de incontros, seminàrios e bìsitas cun Roberto Vittori

Chimbe dies a làmpadas dedicadas a s’aerospazio tra Casteddu e Santu ‘Asili, sede de su radiotelescopio: tra sos istràngios fintzas s’astronàuta Roberto Vittori. Unu programma de incontros, seminàrios e bìsitas-eventos cun sa partetzipatzione de iscientziados de s’Agèntzia ispatziale italiana (Asi), de s’Agèntzia ispatziale europea (Esa), de s’Inaf (Istitutu natzionale fìsica) e de sa Nasa.

Sos primos tres dies, de lunis 17 a mèrcuris 19 làmpadas, s’àula magna de sa facultade de Ingegneria e architetura – bia Curtas de Apellu – at a acasagiare sos seminàrios de formatzione ligados a s’eventu de s’in antis editzione de su “Sardinia Deep Space Antenna Semenare 2019” e a su “Sardinia: gateway from space-Sardigna: una ghenna pro s’ispàtziu”. Curados dae su professore Massimo Vanzi de s’Universidade de Casteddu, sos apuntamentos prevident sa partetzipatzione de iscientziados de sos espertos de sas prus importantes agèntzias e istitutos chi s’òcupant de aerospazio. Sos apuntamentos sunt girados a istudiantes magistrales o dottorandi de sas àreas de Sièntzias e Ingegneria.

Giòvia 20 làmpadas at a èssere sa die de sa bìsita a su Radiotelescopio de Santu ‘Asili. Sunt prevìdidas letziones in su locu e unas àteras initziativas. Tra custas, s’atributzione de bator bursas de chirca annuales subra temas relativos a su Sardinian RadioTelescope.

Sardinia, a gateway to space at a partire su 21 làmpadas a su Teatru Màssimu cun mùsica, filmados originales e mescamente cun s’astronàuta Vittori. “Bolimus contare s’istòria affascinante de sas esploratziones ispatziales e su ruolu assignadu a sa Sardigna pro sas imbenientes mannas aventuras cara a sa Luna e Marte. In custu – ispiegat Vanzi, ordinàriu a su Dipartimentu de ingegneria elètrica e eletrònica – tenimus unu ruolu atzentradu in su Ràdiu telescòpiu de S.Basilio, chi acumprit faina radioastronomica e chitzo at a divenire una ‘ghenna pro s’Ispàtziu’ de su cale suportare sas missiones umanas e robotiche, lunares e interplanetàrias prus sfidanti. Sa mission si projetat in sos annos, previdet su coinvolgimento de giòvanos ricercadores e tècnicos, chi iscola e Universidade ant a èssere mutidas a formare. Sa manifestatzione chi presentemus a làmpadas est pùblica est puntat a informare, atzisare e orientare sos giòvanos istudiantes cara a sos percursos de istùdiu girados a s’ispàtziu”.

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Open Day Porte Aperte 2019 in Facoltà

Le Facoltà di Ingegneria e Architettura e di Studi Umanistici insieme per un Open Day …

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.