Home / Articoli / Altro / Sardigna lìbera de plàstica, motzione in cussìgiu
Unica Radio App

Sardigna lìbera de plàstica, motzione in cussìgiu

Stop a produtos monouso in plàstica pro sarvare Mediterràneu e marinas suas pro una sardigna lìbera de s’incuinamentu.

Stop a sas plàsticas monouso in totu su territòriu de sa Sardigna lìbera a una campagna de sensibilizzazione girada a residentes e non residentes de promòvere cun prioridades in sas Comunas turìsticas. Sunt sos obietivos printzipales de una motzione “birde” presentada dae s’opositzione de tzentrumanca in Cussìgiu regionale, in antis firmataria Maria Laura Orrù (Progressistas). In su documentu sutascritu fintzas de esponentes de Pd e de LeU, si cumbidat su guvernadore e sa giunta Sua a “intzentivare sos adeguamentos tecnològicos de sos impiantos de compostaggio, de issèberu, tratamentu, valorizatzione e posta in riserva de refudos urbanos diferentziados, a su fine de sa gestione currigida de sos supridores de sa plàstica, partinde dae su materiale compostabile”.

Una de sos caminos signalados pro segudare sa fine est cussa de “promòvere cunventziones e acòrdios cun sos entes gestores de sas istitutziones iscolàsticas e universitàrias, e in sas mensas, a su fine de nde diminuire sa produtzione e promòvere atitudines e cumportamentos virtuosos capatzos de modificare sas abitùdines de sos consumadores e de sos tzitadinos”. Sa Regione at a dèpere dare s’esèmpiu “assumende totus sas initziativas netzessàrias pro vedare s’usu de materiale monouso non biodegradabile – apuntu sa plàstica – in totus sos locales pùblicos de s’amministratzione”.

“Si bisòngiat dare de fàghere, paris, pro un’obietivu superiore e semper prus apretosu – ispiegat Maria Laura Orrù – depamus pigare ispunto de sos Comunos chi si sunt giai ativados e dare su bonu esèmpiu vedende dae deretu s’usu de sas plàsticas monouso in sas amministratziones pùblicas e in sas iscolas. Custa est un’ apretu chi non potzamus prus rimandare pròpiu pro ite sa Cummissione Ue at giai detzìdidu: intro su 2021 b’at a àere sa proibitzione assoluta de produtzione e cummertzializatzione de sos ogetos de plàstica monouso in manera majore reperidos in sas marinas nostras e in sos mares nostros”

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: