Home / Articoli / Altro / Sardigna: su metanu arribbat giai in su 2019
Unica Radio App

Sardigna: su metanu arribbat giai in su 2019

Annuncio Confindustria, investimentos pro 500mln e 600 noos locos de traballu in su metanu

Su metanu at a arribbare in Sardigna giai de ocannu. L’at annuntziadu su presidente de Confindustria Maurizio De Pascale aberende unu cunvegnu in sos benefìtzios de su gas naturale pro s’intrea regione organizadu cun FB&Assotziados, presente s’assessora regionale a s’Indùstria Anita Pili. “B’ant investimentos in autu a banda de privados pro ultres 500 milliones de èuros, a cales s’agiunghent sos 200 de sa Regione in campu de annos – at ispiegadu su nùmeru unu de sos industriales sardos – Est in cursu sa realizatzione de paritzas retzes in nessi chimbanta comunas de sa Sardigna, faeddemus de cantieri tangìbiles chi ant giai creadu belle seschentos postos de traballu, antis in tzertos casos apamus averguadu situatziones de carenza de personale”.

Craru, at sutaliniadu De Pascale, “intro s’annu amus a tènnere solu sas primas distributziones de gas metanu, posca in su 2020 sa situatzione prus cumpleta. In su giru de duos annos màssimu at a èssere possìbile realizare sa distributzione de sas retzes in totu sa Sardigna”. Nointames, segundu su presidente de Confindustria sa metanizzazione at a dèpere “èssere cumpletada cun sa dorsale pro ite – at craridu – cun unu collegamentu fìsicu potzamus pònnere in campu cumpensatziones meda de prus fàtziles de su puntu de chintu tariffario”. E in sa dorsale at atzentradu s’interventu suo s’assessora Pili. “Istemus interloquendo cun su guvernu natzionale affinché si cumprendat sa netzessidade de la costruire. Est un’infrastrutura chi diat garantire s’autosufficienza fintzas de sas fainas industriales”, at naradu.

Cantu a su ‘Phase out Carbone 2025’, s’esponente de sa Giunta Solinas at ammentadu su diàlogu in cursu cun su sutasegretàriu de s’Isvilupu econòmicu e torradu a nàrrere sa positzione de sa Regione: “oe su fabbisogno energèticu rapresentadu dae sas fontes rennoaditzas s’atestat a su 30% e dae inoghe a su 2025 chessire a lu cugugiare a su 100% nche paret esageradu, non realizzabile, fintzas pro ite unu sistema solu cun rennoaditzos non podet garantire sa continuidade de energia pro sos istabilimentos industriales”. “Apamus giai trasmìtidu sas osservatziones nostras ue s’evidèntziat sa netzessidade de prorogare su phase out de su carbone a su 2030”, at torradu a nàrrere s’assessora.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Il mondo Mirtò punta sulla valorizzazione dei produttori sardi

Il Dna di Mirtò, che è diventato sinonimo di Sardegna, rappresenta la prima vocazione di …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: