Home / Articoli / Università e Ricerca / Sa favola de Bouba, de su Males a sa làurea
Unica Radio App

Sa favola de Bouba, de su Males a sa làurea

Tàtari, Bouba est su primu laureadu cun amparu internatzionale

Su primu laureadu cun amparu internatzionale de s’Universidade de Tàtari si mutit Bakari Coulibaly, pro totus Bouba, arribbat de su Malì, tenet 32 annos e de duas dies est dotore magistrale in Pianificatzione e polìticas pro sa tzitade, s’ambiente e su paesàgiu. Sa sua favola est istada iscrita a S’Alighera, ue su neu architetu est arribbadu in su 2016 pro coronare unu bisu. “Cando istudiaia a Bamako disigiaia tantu fàghere unu màster in Europa – contat Bouba – pariat unu bisu irrealizzabile, s’est contivigiadu e so felitze a beru”.

At dedicadu sa tesi a “Sa cultura Maliana e sos efetos urbanos de sas migratziones”, otenende su màssimu de sos votos: 110 subra 110 e lode. A l’acumpangiare longu su percursu sa fita retze de atores istitutzionales, culturales e sotziales chi a S’Alighera scommettono in su balore de sa multiculturalità. Unu de sos puntos de riferimentu est Silvia Serreli, dotzente a su Dipartimentu de Architetura, Design e Urbanìstica de S’Alighera, delegada rettorale pro sas Polìticas de integratzione de sos migrantes e amparados e no a casu reladora de su dotore Coulibaly chi, realizadu su bisu suo, nde tenet giai unu àteru. “Una die dia bòlere divenire professore, sighire a istudiare, fàghere chirca e insegnare”, rivelat. In tantu “traballu in sas coghinas de unu ristorante de S’Alighera, biu cun unos collegas e amigos – concruit – e so agradèssidu a sas medas persones de S’Alighera e de s’Universidade de Tàtari sena sas cales custu traguardu diat èssere istadu impossìbile”.

Naschidu in su nord de su Malì, Bakari Coulibaly s’est immatriculadu in su 2016 e est arribbadu a s’Universidade de Tàtari cun una bursa de istùdiu de sa Cunferèntzia de sos retores de sas Universidades italianas e de su Ministeru de s’Internu pro amparados e titulares de amparu sussidiàriu, costrintos in su pròpiu Paisu a interrùmpere sos istùdios.

Durante su cursu de làurea magistrale a S’Alighera, at pòdidu colare ses meses a s’Universitat autònoma de Bartzellona cun su programma Erasmus Plus. S’istòria sua est un’esèmpiu pro unos àteros dischentes de s’Universidade de Tàtari titulares de amparu, insertados dae su 2015 in su percursu de integratzione chi s’ateneu promovet cun sa retze territoriale dedita a su progetu de un’Universidade semper prus inclusiva.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

“Six e altri racconti”: a Sassari la presentazione dell’antologia

Saranno letti alcuni estratti dei racconti più significativi della raccolta offrendo un’occasione di riflessione e …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: