Home / Articoli / Altro / Pressing subra Senadu pro lege insularità
Unica Radio App

Pressing subra Senadu pro lege insularità

Comitadu Sardigna, proposta lege insularità firma in cummissione de un’annu

De ultres un’annu sa proposta de lege de initziativa pobulare pro s’insertada de su printzìpiu de insularità in Costitutzione est firma in cummissione Afares costitutzionales de su Senadu. Gai s’imbeniente chida sos promotores de s’initziativa in sa lege insularità ant a èssere a Roma “pro fàghere pressione, paris a sos parlamentares sardos, affinché bèngiat calendarizzata a s’òrdine de sa die de sos traballos de s’Àula”. L’at annuntziadu tenet su presidente de su Comitadu promotore e oe assessore regionale de sos Traballos pùblicos Roberto Frongia, chi at riunidu a fùrriu a una mesa polìticas de ogni ischieramentu e ala de su Comitadu sientìficu cun s’obietivu de fàghere su puntu in sas imbenientes initziativas de printzipiare.

“Bolimus mandare unu signale craru a su Parlamentu e posca abèrrere una mesa cun su Guvernu e cun s’Europa”, at agiuntu Frongia chi cun sa presidente de su Comitadu sientìficu Maria Antonietta Mongiu at firmadu una lìtera indiritzada a sos presidentes de Giunta e Cussìgiu regionale, Christian Solinas e Michele Pais. Sa recherta est cussa de cumpartzire e sustentare “sa chi oramai est devènnida sa batalla de sos sardos”. Su presidente de su Comitadu at fintzas ammentadu chi “su reconnoschimentu de su printzìpiu in Costitutzione depet èssere sa cunditzione netzessària pro ite sa Reforma de sas Autonomias diferentzieis non siat elementu de disequilibrio o prelùdiu a un’assetu istitutzionale chi favorit carchi regione a discapito de àteras”.

A s’adòbiu ant partetzipadu su capogruppo de su Pd Gianfranco Ganau, sa deputada Pd Romina Mura, su cussigeri dem Roberto Deriu, su senadore de Fi Emilio Floris e su collega de su M5s Gianni Marilotti. Pro su Comitadu sientìficu, de sos àteros: su farmacòlogu Gianluigi Gessa, s’ex procuradore Mario Mura e Francesco Porcu de Cna.

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Legge sulla lingua sarda promossa dal Governo centrale

Legge sulla lingua sarda promossa dal Governo centrale. Il Consiglio dei Ministri ha deciso di non …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: