Home / Articoli / Altro / Pagos infermieri in pediatria, creschet s’arriscu de mortalidade
Unica Radio App

Pagos infermieri in pediatria, creschet s’arriscu de mortalidade

Allarme Fnopi, istandard de seguridade a su de suta de sa mèdia in sos ispidales pro carenza infermieri

Segundu sos standard de seguridade, dogna infermieri diat dèpere sighire 4 malàidos, nointames sa mèdia in sos ispidales pediàtricos est de un’infermiere pro 6,6 malàidos, 2,6 malàidos in prus de su previstu. Segundu sa Federatzione natzionale de sos Òrdines de sas professiones infermieristiche (Fnopi), “pro ogni malàidu extra s’arriscu de mortalidade a 30 dies creschet de su 7%. Cun duos malàidos e mesu in prus arribbat a su 17-18%.

Summende posca sos datos de sas fainas infermieristiche mancadas, s’arriscu de mortalidade pro sos pipios ricoverados arribbat a su 25-26%”. “Sunt datos chi gràtzias a sa grusera voluntades de sos professionistas e a sa capatzidade de su management de sas aziendas non si sunt realizados, ma su livellu de allarme est artu e de custu si depet tènnere contu pro como de su sèberu de sas polìticas de programatzione.

Oe tengiamus una carenza de infermieri in costante aumentu”, narat sa presidente de Fnopi Barbara Mangiacavalli cummentende s’istùdiu presentadu in Senadu, realizadu dae 12 aziendas ospedaliere pediàtricas aderentes a s’Aopi, s’Assòtziu de sos Ispidales pediàtricos Italianos chi aderisce a sa Fiaso, sa Federatzione de sas aziendas sanitàrias pùblicas. Istende a s’iscumbata de sos ricercadores de su Grupu de istùdiu italianu RN4CAST@IT-Ped, su raportu malàidos-infermiere diat dèpere èssere de 3 o 4 a 1 in sas àreas chirùrgica e mèdica, de 1 o finas 0,5 pro sas àreas crìticas comente a terapias intensivas e rianimazioni. Nùmeros larganos de sa realidade rilevada dae s’iscumbata, chi at contadu unu raportu de 5,93 pro sa chirurgia, 5,7 pro cussa mèdica e 3,55 pro s’àrea crìtica.

Sa carenza de personale in gènere finit fintzas pro dèpere impinnare sos giai pagos infermieri in fainas chi infermieristiche non sunt: comente a esecutare rechertas de reperimento materiales e dispositivos, compilare mòdulos pro servìtzios no infermieristici, acumprire fainas burocràticas o prus banalmente rispòndere a su telèfonu. Su report sutalìniat chi a càusa de su super traballu su 32% de sos infermieri est finidu in s’àrea de su “burnout”, sa sìndrome de esaurimentu emotzionale chi corfit chi pro professione s’òcupat de sas persones.

“Sos resurtados de s’iscumbata, puru focalizzati in un’aspetu piessignu e delicadu de s’assistu com’est cussu abbolotu a sos prus minores, ammustrant torra chi sena su contributu fundamentale de sos professionistas e de unu management a s’artària, su Servìtziu sanitàriu nostru natzionale diat èssere giai naufragadu dae unu cantu”, at afirmadu su Presidente de Fiaso, Francesco Ripa de Meana.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Brotzu celebra 10 anni chirurgia robot

Oltre mille interventi, usato anche in trapianti di rene il Brotzu festeggia 10 anni di …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: