Home / Articoli / Altro / Contribuidos finas 600 èuros a su mese Turismu
Unica Radio App

Contribuidos finas 600 èuros a su mese Turismu

Sos intzentivos a sas impresas chi assument fintzas “in foras de istajone” finas a 600 èuros a su mese

Non b’at solu s’arta formatzione, in sos progetos de sa Regione annuntziados eris e destinados, in piessignu modu ma non solu, a sos giòvanos. Un’ala rilevante de s’interventu mìria a favorire s’ocupatzione in su setore de su turismu cun unu contributu finas a 600 èuros a su mese, mescamente in sos meses gai narados “de coddu”: cussos in cales su pienone de sos vacanzieri no est àncora esplòdidu o est giai coladu, e chi tando – in sos cherbeddos de sas assuntziones istajonales – regalant in gènere minores satisfatziones a sa fortza traballo locale.

Ammonta a ses milliones de èuros in totale s’istantziamentu pro sa medida “Destinatzione Sardigna Traballo”, aprovada cun una reghente delìbera de Giunta e finalizzata a s’ocupatzione in su cumpartu turìsticu. Sos fundos acudint de su Programma operativu regionale de su Fundu sotziale europeu 2014-2020: sa Regione at detzìdidu de los impreare pro creare de sos intzentivos chi ant a èssere mirados a s’estensione de sa durada de sos cuntratos de traballu istajonales e a s’allungamento de s’istajone. Cun sos fundos disponìbiles, in base a un’istima, at a èssere possìbile aviare belle 1.600 cun-tràidos.

Sas minudas sunt istados illustrados eris a Casteddu, a Villa Devotu, de su presidente Christian Solinas, e de s’assessora regionale a su Traballu, Alessandra Zedda
S’interventu, a isportellu, ligadu a “Destinatzione Sardigna Traballo”, tenet comente a obietivu prioritàriu de favorire sa ripresa de su setore e de megiorare sa cumpetitividade de sas impresas de su turismu, cun un’agiudu econòmicu chi at a permìtere a sas istruturas ricettive alberghieras e extralberghiere de reduire sos gastos de esertzìtziu e cussas ligadas a su costu de su traballu.

S’initziativa punta a fàghere mantènnere e antis megiorare sos livellos occupazionali, assigurende gai a sos prepostos un’impreu prus durajolu, chi potzat andare a su de là de sos sòlitos bator meses de ocupatzione temporale istiale, cumprèndida tra làmpadas e cabudanni. Sas impresas de su cumpartu ant a pòdere otènnere unu contributu de 600 èuru a su mese pro ogni cuntratu a tempus determinadu e prenu, chi siat istadu giai ativadu in sos meses de martzu, abrile o maju (in custos casos, s’intzentivu at a èssere reconnotu cun un’efetu chi at a èssere retroativu), o chi bèngiat istipuladu a santugaine, santandria e nadale imbenientes.

Pro cuntratos a tempus indeterminato a tempus prenu (o partziale verticale) est istadu istabilidu un’agiudu de 7mila èuru una tantum , pro ogni assuntzione fata cun cuntratu de traballu a tempus indeterminato o pro sa mudadura de unu cuntratu dae tempus determinadu a tempus indeterminato. Su contributu una tantum at a addopiare, e at a èssere duncas pari a 14mila èuru, s’in casu de assuntziones de traballadores cunsiderados meda isvantagiados o de persones isentas.

Sos addetos assùmidos ant a dèpere èssere residentes in Sardigna o emigrados, ma in possessu de regulare permissu de permanèntzia, e no àere tentu unu pretzedente raportu de traballu cun cuntratu a tempus indeterminato cun s’impresa richiedente sa cale sessamentu, pro calesi chi siat motivo, siat acontèssida tra su 1 trìulas 2018 e su 31 maju 2019. Su provedimentu est a su sedatzo de su Comitadu de su Fundu europeu e in su giru de belle deghe dies diat dèpere èssere publicadu s’avisu.
Su presidente Solinas at evidentziadu sa netzessidade de «investire in sos giòvanos mègius, dende issoro noas e importantes oportunidades, fundamentales pro sa crèschida e s’isvilupu de s’economia de sa Sardigna, ultres a unu bagàlliu de cumpetèntzias e professionalità agiuntivas chi ant a pòdere posca gastare proficuamente in su mercadu de su traballu isolanu».

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Incontro alla Mem per le manifestazioni culturali di Cagliari

Appuntamento alla MEM di Cagliari giovedì 10 gennaio alle ore 15.30 per illustrare il bando …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: