Home / Articoli / Altro / Sas foto e sos pintados màgicos de Harry Potter divenint realidades
Unica Radio App

Sas foto e sos pintados màgicos de Harry Potter divenint realidades

Ànima·ti de un’algoritmu, sas immàgines de sos pintados essint in 3D de sa curnisa

Fotografias e pintados s’ànimant comente a in sa paristòria de Harry Potter, moende·si e essinde in 3D de sa curnisa issoro: diveni gai possìbile fàghere duos passos cun Paul McCartney in pessu chi isbucadu dae sa cobertedda de ‘Help!’, opuru si sèere a pigare unu tè cun sa Gioconda. Sa maja istat in s’algoritmu ‘Photo Wake Up’ chi sos ricercadores de s’Universidade de Washington ant a presentare intre pagos dies a Long Beach, in Califòrnia, a sa Cunferèntzia de bisione artifitziale e reconnoschimentu de sas formas (Cvpr 2019).

Pro animare foto e pintados, s’algoritmu identìficat sa persone re-tràida in s’immàgine e creat una mascara cun sos matessi cuntornos de su corpus suo: posca b’acrobat unu mollu 3D e lu colorat, torrende a costrùere in manera creativa ma coerente fintzas s’ala posteriore non visìbile in s’òpera de partèntzia.

Una bia unida s’immàgine frontale cun cussa de su retro, su mollu 3D podet in fines si mòere, caminare, cùrrere e brincare, mentras s’algoritmu ricrea e colorat s’ispàtziu a sas coddos suos in modu de non lassare un’ispàtziu biancu.

Gràtzias a sos visores de realidade creschida, su sugetu de s’òpera podet literalmente brincare a foras de sa matessi curnisa sua e incumentzare a caminare o cùrrere a su costàgiu nostru. Numerosas sas possìbiles aplicatziones de custa tecnologia: segundu sos ricercadores diat pòdere èssere impreada in sos videogiogos pro creare avatar personalizados, opuru in sos museos pro permìtere a sos visitatori una majore interatzione cun sas òperas in mustra.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Lo stagno di Molentargius su National Geographic

I fenicotteri rosa di Molentargius ripresi dagli scatti di Barbara Dall’Angelo per National Geographic In …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: