Alexa Unica Radio
Vela

Sa barca a vela in sa rota de sa legalidade

De sa Sardigna un’istòria de inclusione sotziale, e pro ite no, de rivincita gràtzias a sa vela

Su bisu istraordinàriu naschidu dae una passione e de s’esperièntzia de su traballu de un’òmine chi bolet rèndere isperu a unos pitzocos chi in su chintu ant faddidu. Sa vela pro sa legalidade.

Est un’istòria de inclusione sotziale, de integratzione, de rinàschida e pro ite no, de rivincita. Un’istòria meda simpre, su bisu istraordinàriu naschidu dae una passione e de s’esperièntzia de su traballu de un’òmine chi s’est postu s’obietivu de dare una àtera possibilidade, unu nou isperu, fintzas pro mèdiu de sos traballos in manera sotziale ùtiles, a unos pitzocos chi in su chintu ant faddidu e sunt intrados in su tzicuitu penale, rilantzende·los in su mundu tràmite s’isport, pro mèdiu de su mare e gràtzias a sa vela comente a trastu de inclusione sotziu-lavorativa: est s’istòria de Simone Camba, velista e assistente capu de sa Politzia de Bistadu, e de su progetu suo de riabilitatzione pro mèdiu de su mare e mescamente sa vela, gràtzias a su cale custos piseddos podent castiare a su chintu cun ogros diversos e cun unu rinnovadu isperu.

Est s’istòria de New Sardiniasail, s’assòtziu isportivu creadu dae Simone, chi at seberadu de agiudare de sos giòvanos a beru in dificultades in sa terra firma e de los tràere in francu in mare, in su bentu, tra virate, issate, boline e andature de poppa, navighende cun gràtzias issoro a progetos comente a “Sa rota de sa legalidade” e “The Sea for the social inclusion”. New Sardiniasail naschet a Casteddu in su beranu de su 2013, est un’ Assòtziu isportivu velica dilettantistica e de promotzione sotziale naschida cun sa fine de fàghere connòschere e praticare custu isport a cantas prus persones possìbile. New Sardiniasail, chi collàborat cun su Tribunale Ordinàriu de Casteddu e su Tzentru pro sa Giustìtzia Minorile pro sa Sardigna pro s’insertada in s’assòtziu de persones cundennadas a sos traballos in manera sotziale ùtiles, agiudat minores e adultos chi ant tentu problemas cun sa giustìtzia a reintegrarsi in sa sotziedade gràtzias a sa vela, pro mèdiu de su respetu de sos ruolos de un’echipàgiu e a s’ispìritu marinaresco de s’andare pro mare: su giustu est su reinserimento totale in sa sotziedade.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Vacanze in Sardegna con la famiglia

La Sardegna è un’ottima meta per le vacanze con la famiglia grazie al mare meraviglioso …