Home / Articoli / Altro / Naschet s’hamburger fatu cun angione Igp
Unica Radio App

Naschet s’hamburger fatu cun angione Igp

Proposta gastronòmica Contas a su Tuttofood de Milanu cun s’angione Igp sardu

Hamburger, tartare, polpette, panadas. S’angione Igp de Sardigna, puru cunservende su traditzionale sabore suo e calidade si rinnovat e annoat. E sa noa beste gèniat a su mannu pùblicu comente a dimustradu dae sa fiera internatzionale de su Tuttofood de Milanu ue su stand de su Cunsòrtziu de s’angione de Sardigna Igp (Contas) est istadu pigadu de assaltu de buyer e potentziales clientes.

Ocannu, sa prima borta, su Cunsòrtziu de s’Agnello IGP de Sardigna at fintzas coghinadu s’angione gràtzias a sa presèntzia de sa Cooperativa Sa Genuina de Piaghe chi paris cun su Contas est isperimentende sos noos trincos, sas noas formas de cunservatzione, e sos noos acrobamentos.

“Sos gustos de sos consumadores sunt vàrios pro custu est fundamentale diversificare s’oferta – afirmat su presidente de su Contas Batista Cualbu -. Sas fieras de sutzessu comente a su Tuttoffod ue ti cunfrontet cun sos buyer de totu su mundadu t’agiudant a cumprèndere sas punnas e megiorare s’oferta tua”.

“Oe non bastu prus sa calidade la bisòngiat ischire comunicare, andare adòbiu a sas noas punnas e allargare su mercadu. Pro custu siamus isperimentende noos acrobamentos avalorende totu sa carcassa e non solu sas alas nòbiles”. at agiuntu “In su nostru stand – narat su diretore de su Contas Alessandro Mazzette – apamus preparadu e ofertu belle 3500 assaget. Meda apretziados sos acrobamentos de sa tartare cun su vermentino de sa cantina de Durgali e de s’angione cun sa pubusa ispinosa Dop cun su cannonau Deaddis de Séddini.

Manna resessida de sos noos prodùidos hamburger, polpette e panadas apretziados mescamente de sos consumadores prus giòvanos chi in mannu nùmeru ant bisitadu su nostru stand. Sos cumplimentos tentos dae sos consumadores sunt su prèmiu mègius pro su traballu nostru”.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

S’angione sardu Igp si reinventa a su Milanu Tuttofood

Noas ideas e noos mercados, vetrina pro s’angione sardu in fiera Milanu Tuttofood Vetrina internatzionale …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: