Home / Articoli / Arte e mostre / Istàtua de Bocchetta donada a su Lìricu
Unica Radio App

Istàtua de Bocchetta donada a su Lìricu

Tersicore musa de sa dantza, òpera de s’iscultore tzentenàriu Bocchetta

“Su teatru comente a logu de chintu, de arte, logu de democratzia, logu beru pro su benidore e sa tziviltade”. In sas paràulas de su sovrintendente de su Teatru Lìricu de Casteddu Claudio Orazi si racchiude s’altivesa e in su matessi tempus s’importu de sa lassa retzida de s’artista Vittore Bocchetta. In su foyer de su Lìricu est istada ammustrada a su pùblicu s’istàtua in brunzu de Tersicore musa de sa dantza, arta 2 metros e 40 realizada dae Bocchetta a Chicago in su 1965. Naschidu a Tàtari su 15 santandria de su 1918, Bocchetta at bìvidu a Casteddu, Bologna e Verona. Pròpiu in Vènetu in su 1943 benit arrestadu comente a oppositore e frequentatore de antifascistas. Detentu in una sala tzinematogràfica a Verona, benit deportato in Germània, in antis in su campu de Flossemburg posca in su sottocampo de Hersbruck: gràtzias a una balentiosa fua est tra sos pagos superstiti a torrare in Itàlia. In sos annos imbenientes, a pustis de una breve permanèntzia in Itàlia, approda in Argentina, Venezuela e posca a Chicago.

Sas òperas suas sunt espostas in museos e logos pùblicos a Chicago, Illinois, Verona e Hersbruck, ultres a èssere istadas espostas in mustras in Amèrica e Europa. In su 2015 sa Comuna de Casteddu l’at cunferidu sa tzitadinàntzia onorària. De oe una de sas òperas suas at a èssere esposta a su Lìricu chi, pro sa presentada, at organizadu duos breves momentos musicales cun su violinista Luca Soru e sa pianista Clorinda Perfetu, mentras sas dantzadoras Giulia Vacca e Giulia Mostacchi e sa minore Alice Cossu ant interpretadu sos movimentos coreografici de Luigia Frattaroli. “Gràtzias a su mannu italianu Vittore Bocchetta pro s’istraordinària lassa sua chi lustra custa manna Fundatzione lìrica italiana”, at naradu Orazi.

Emotzionadu e entusiasta su presidente de sa Fundatzione Giuseppe Andreozzi. “Custa est una de sas musas suas, un’istàtua a cale fiat ligadu e la teniat in su palatzu ue issu abitaiat. Su fatu chi siat como inoghe est unu sinnu de su destinu: chi siat messaggera de arte e libertade”. In manera piessigna emozionante sa telefonada a s’artista fata dae su nebode Alberto Bocchetta.

Andreozzi at ammentadu su su momentu chi l’est istada cunferida sa tzitadinàntzia onorària sollitzitende·lu a bènnere a bìvere a Casteddu.

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Lirico Cagliari: porta in scena il Barbiere di Siviglia

Sul palco del lirico di Cagliari la favola borghese del Barbiere di Siviglia “Una favola …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: