Home / Articoli / Altro / In Sardigna arribbant fintzas sas carrogasa
Unica Radio App

In Sardigna arribbant fintzas sas carrogasa

Allarme Coldiretti de Aristanis pro sas carrogasa: ‘Colturas istiales bisestradas’

Non solu cavallette: s’invasione de sos babbois chi est ponende in ghenugru sas aziendas de su Nugoresu no est su solu pessamentu pro sos massajos de su tzentru Sardigna. De Aristanis s’allarme pro s’invasione de carrogasa chi sunt bisestrende sos coltivos beraniles e istiales.

“Prus furriadas in passadu apamus denuntziadu comente a sa problemàtica de sa fàuna selvatica fossas bene largana de s’èssere risòlvida. E custa chi est capitende in sas campagnas aristanesas est sa dimustratzione chi non nche faddìamus – afirmat su diretore de Coldiretti Aristanis, Emanuele Spanò – semus in forte ritardu e a oe non b’est rasta de sa programatzione fundamentale chi diat àere dèpidu tirare a su cuntenimentu de sos corvidi in sas campagnas aristanesas pro evitare sos a beru graves disacatos giutos dae sa mesches”.

“Sa farta de atziones ùtiles at batidu sas carrogasa murras in piessigna – agiunghet su presidente de Coldiretti Aristanis, Giovanni Murru – a operare liberamente arruinende sa produtividade de sos campos”. S’organizatzione sollìtzita provedimentos apretosos e atziones “orgànicas” de cuntrastu.

AMBIENTALISTI, RIVEDERE PRANOS CUNTENIMENTU. “Si las carrogasa sunt diveninde gai perigulosas pro s’agricultura sarda, bolet nàrrere chi b’at carchi cosa chi no andat in sos pranos de cuntenimentu”. Est sa risposta de su Grupu de interventu giurìdicu (Grig) a s’allarme afiladu dae Coldiretti in sos disacatos provocados dae sos pennuti a sos coltivos istiales in s’Aristanesu. “Ogni tantu – cummentat su presidente de Grig Stefano Deliperi – ispuntat in foras de un’animale nou chi distruet totu. Unu perìodu est tocadu finas a sos fenicotteri. Depo però nàrrere, chi a sa fine totus custos disacatos creados a s’agricultura non sunt gai devastantes dae chi sa Regione pagat cada annu pro sos indennizos una tzifra in manera relativa modesta: non s’andat ultres sos tres milliones de èuros – osservat – Pro custu ùrtimu casu esistet giai unu pranu de cuntenimentu basadu in manera sustantziale in sa cassa. In manera ladina non funtzionat. Ma in antis dia bòlere chi esserent in manera efetiva averguados e valutados sos disacatos provocados dae sas carrogasa”.

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

S’apicultura, maltempo ponet in ghenugru produtzione mele

Pedidu interventu istraordinàriu pro s’apicultura. Pèrderes ultres 70% a su Tzentru italia. Annus Horribilis pro …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: