Home / Articoli / Altro / Google ponet a su bandu sas app chi bendent marijuana
Unica Radio App

Google ponet a su bandu sas app chi bendent marijuana

Proibitzione est fintzas in sos Istados in cales sa cannabis est legalizada. A su bandu sas app chi bendent marijuana.

Google ponet a su bandu in su butega sua de aplicatziones, su Play Store, sas app chi bendent marijuana. Sa cumpangia at agiornadu sas règulas destinadas a sos sviluppatori, ponende nieddu subra arbu una proibitzione crara pro sas app chi cummèrtziant o “fatzìlitant sa bèndida” de marijuana e prodùidos derivados continentes Thc.

Sa proibitzione s’àplicat “in manera indipendente de sa legalidade”, si lege. In unas àteras paràulas, no importat si in carchi Istadu sa marijuana siat legalizada. Sos sviluppatori ant a tènnere 30 dies de tempus pro modificare sas issas app in base a sa noa norma. Unu portaboghe de Google, referit su situ AndroidPolice, at nointames pretzisadu chi, pro si pònnere in règula, at a bastare rimòvere sa possibilidade de acuistare a s’internu de s’aplicatzione, comente a giai acontesset de annos cun sas app pro iPhone e iPad de Apple. In pràtica sa compravendita at a dèpere acontèssere a foras de s’app.

S’azienda at torradu nòdidu chi su stop at a bènnere aplicadu pro totu sas app chi fatzìlitant sa bèndida de marijuana o de produtos continentes Thc in totu sos Istados, fintzas in cussos in cales est istada legalizada

Sa marijuana no est s’ùnicu produtu a cale Google at postu unu frenu. Medidas semper prus tostas pro su colossu de su web pro frenare s’abusu de sas drogas e intzentivare su respetu de sa lege. Sas règulas ponent giai a su bandu fintzas sas app chi fatzìlitant sa bèndida de tabacu – at inclùdidu sas sigaretas eletrònicas – o chi incoragint un’impreu irresponsàbile de sigaretas e alcòlicos.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

SINNOVA 2019: apre il settimo Salone dell’Innovazione

Giovedì 3 e venerdì 4 ottobre 2019 Sa Manifattura, la ex Manifattura Tabacchi di Cagliari …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: