Home / Articoli / Altro / Aèreos: Volotea inaùgurat base a Casteddu
Unica Radio App

Aèreos: Volotea inaùgurat base a Casteddu

Duas aeromobili de Volotea istabilimentos operativos a Casteddu fintzas in meses ierriles

Casteddu est sa de chimbe bases italianas de sa cumpangia aèrea Volotea e sa de trèighi in Europa. Oe s’inauguratzione cun un’ispetziale bolu subra su cabulogu a sa presèntzia de su presidente e fundadore de Volotea Carlos Munoz. Gràtzias a sos duos Airbus A319 de aposentu a Casteddu at a èssere possìbile decollare cara a sete metas a s’èsteru e oto destinatziones domèsticas, pro unu totale de bìndighi segadas, deghe esclusivas. “Semus cuntentas de inaugurare sa de chimbe bases nostras italiana a Casteddu, una tzitade chi giogat unu ruolu istratègicu in sos pranos nostros de isvilupu a livellu internatzionale – at decraradu Muoz – siamus traballende pro ofèrrere a sos biagiadores sardos sa possibilidade de bolare galu prus a discansu durante totu s’annu”.

Collegamentos e ocupatzione. “S’ant a contivigiare a Casteddu belle 50 noas positziones lavorative tra pilotas e personale de oru – at annuntziadu Muoz – e, a suportu de s’economia locale, no andant ismentigadas sos recadimentos econòmicos generados dae sos noos flussos turìsticos chi transiteranno de s’aeroportu”. Ringratziamentos a totu, in piessignu “a sos 750.000 passigeris chi ant seberadu de bolare cun Volotea de e pro Casteddu”. Satisfatzione fintzas tra sos vertices de s’Aposentu de Cummèrtziu de Casteddu (b’aiat su presidente Maurizio De Pascale) e de sa Sogaer (presidente Gabor Pinna e a Alberto Scanu), sa sotziedade de gestione de s’iscalu.

Ultres a sos traditzionales bolos pro Ancona, Gènova, Nàpoli, Torinu, Venètzia e Verona in Itàlia e Bordeaux, Lione, Nantes e Tolosa in Frantza, ocannu sa cumpangia proponet collegamentos de Casteddu fintzas pro Marsìglia, Istrasburgu, Praga, Pescara e Palermu. Meda incoraggianti sos nùmeros de su vetore in s’iscalu de Su Masu: 2.800 sos bolos in programma pro su 2019, parinales a una crèschida de su 44% e a unu totale de ultres 414.000 postos in bèndida. “Cun sa base a Casteddu – at sutaliniadu Scanu – amus a tènnere duos aeromobili in manera istàbile operativos fintzas in sos meses ierriles. In unu perìodu in cale traditzionalmente s’oferta si comprime respetu a s’istiu, amus a pòdere tando ofèrrere unu network prus ampru durante sa winter season e dare unu contributu sustantziale a sos isfortzos pro sa destagionalizzazione de sos flussos turìsticos”.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

volotea

Volotea: nou bolu Casteddu-Istrasburgu

E S’Alighera at a èssere collegada cun Madrid, Istrasburgu e Nàpoli cun Volotea Pro tzelebrare …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: