Home / Articoli / Altro / S’angione sardu Igp si reinventa a su Milanu Tuttofood
Unica Radio App

S’angione sardu Igp si reinventa a su Milanu Tuttofood

Noas ideas e noos mercados, vetrina pro s’angione sardu in fiera Milanu Tuttofood

Vetrina internatzionale pro s’angione sardu Igp chi s’est tenta a Milanu Tuttofood cun unu pròpiu stand a sa fiera de s’agroalimentare. Lòmpida a sa de ses editziones, sa biennale est s’ùnica manifestatzione de setore cun unu respiru a beru internatzionale chi rispondet siat a sos bisòngios de sas aziendas chi càstiant a su mercadu italianu chi a sas chi puntant a sa saca. Pròpiu a s’ùrtima editzione, in su 2017, b’est àpidu s’esòrdiu de su Cunsòrtziu de s’Agnello de Sardigna Igp a una fiera.

“E de cussa data – contat su diretore de su Cunsòrtziu Alessandro Mazzette – medas sunt istadas sas novidades pro sa petza de angione chi at agatadu dae tando diversos modos de si presentare ultres a sos simpres trincos friscos cun cales si proponet in sos bancos de sas macellerie – A su Tuttofood ant a èssere presentadas noas possibilidades de degustare su produtu: de sa tartare de angione, a s’hamburger, a sas panadas, a sas polpette Igp preparadas cun un’ atentu piessignu a s’impreu de solas ispètzias e sabores regionales. Novidades chi ant a pòdere èssere degustate a s’internu de su stand”.

“Un’istrategia in sa cale siamus puntende pro dare noas oportunidades de mercadu a sa primore nostru – cummentat su presidente de su Contas Batista Cualbu – chi nointames sas òtimas calidades organolettiche no agatat àncoras una giusta collocatzione e de cunsighèntzia non garantit una giusta remuneratzione a su pastore. Sa noa frontera est su mercadu àrabu, ue b’ant ampros oros de crèschida. Pro custu siamus sighende a investire in sa chirca pro propònnere s’angione cun trincos prus minores, adatos a sos noos bisòngios de sos consumadores e cun tècnicas de cunservatzione longas pro cunsentire sa saca in paisos larganos ma fintzas sa destagionalizzazione pro unu consumu oe cuntzentradu in pagos meses, garantinde comente si siat sa calidade de su produtu”.

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Naschet s’hamburger fatu cun angione Igp

Proposta gastronòmica Contas a su Tuttofood de Milanu cun s’angione Igp sardu Hamburger, tartare, polpette, …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: