Alexa Unica Radio
montaldo

A s’iscoberta de su Montaldo cun Tg istudiantes

Piseddos-giornalistas contant sa Riserva de sa Biosfera de Montalbo cu Tg istudiantes

Unu telegiornale, “Tg Riserva de sa Biosfera“, curadu dae sos istudiantes de su territòriu de su Montalbo pro fàghere connòschere s’importu de bìvere in una zona amparada ufitzialmente reconnota dae s’Unesco. Immàgines a artu impatu emotivu e video documentàrios realizados impreende fintzas sa trasversalità de sa tzita de sos social mèdia. Bator curtzos tg visionabili susu YouTube e in sa pàgina Facebook de su Tzentru de annestru ambientale e a sa sostenibilità (Ceas) de su Montalbo de Lodè, in cale sos istudiantes de sas iscolas interessadas si calant in sos pannos de giornalistas pro contare su pròpiu territòriu. Est s’epilogo de unu percursu didàticu laboratoriale naschidu gràtzias a su progetu Si Cumprèndida, in collaboratzione cun sa Comuna de Lodè e cun su patrotzìniu de sa Regione Sardigna.

“Tenende contu de cantu sos social mèdia siant semper prus sos protagonistas de s’iscena mediàtica, apamus chircadu de isfrutare sos canales de informatzione ligados a s’isvilupu sostenibile de su territòriu – ispiegant sos rapresentantes de su Ceas – Su sèberu de documentare sas fainas acumpridas mediante sos video naschet de su bisòngiu de dare, ei, una forte imprenta lùdicu-didàtica a su progetu, ma fintzas de fàghere essire de sos muros iscolàsticos su traballu e lu torrare visìbile a totus. A custu sèberu s’agiunghet cussa de àere impreadu materiales a bassu impatu ambientale pro comunicare e informare”.

Sa tzita, segundu sos attivistas de su Ceas, “non si depet limitare a s’àmbitu iscolàsticu ma si depet traduire in s’incoraggiamento de bonas pràticas ambientales e si depet allargare a s’intrea populatzione, cun unu coinvolgimento territoriale capillare”. A s’istùdiu sa creatzione de unu report turìsticu ambientale in s’àrea recuperende e cunservende sas traditziones e su patrimoniu istòricu-culturale e ambientale, cualifichende sos benes paesagìsticos e naturalìsticos chi esistint, favorinde sas relatziones tra diversos sugetos e diferentes stakeholders territoriales.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Spazi fiera Promo Autunno

Venerdì al via Promo Autunno, grande attesa a Sassari

“Tre giorni imperdibili alla scoperta delle aziende del territorio tra divertimento e spettacolo” alla Promo …