Home / Articoli / Altro / Yutu 2 est sa màchina tzinesa chi est lòmpida in sa Luna
Unica Radio App

Yutu 2 est sa màchina tzinesa chi est lòmpida in sa Luna

Yutu 2.  Si narat gasi sa vetura chi est falada dae Chang’e 4, sa sonda tzinesa lòmpida a sa parte umbrosa de sa Luna. At a esplorare a bellu a bellu  cussa parte de su satèllite. 

In  sa mitología tzinesa, “Yutu” cheret nàrrere “conìgiu de giada”: est s’animale  de Chang’e, una dea chi, cunforma a sos contos antigos, istat in sa  luna. Yutu 2 est unu veìculu  totuterrinu cun una càmera panoràmica, un’ispetròmetru a infrarujos e unu radar. Cun custas aìnas  at a leare imàgines  de su pìgiu de sa luna e at a chircare de intzertare s’istrutura e  sa cumpositzione sua.

Caraterìsticas ispetziales a beru. No est istada mai esplorada in situ. Duncas sa  Chang’e 4 at a pòdere fàghere iscobertas mannas”; lu   narat Zou Yongliao, diretore de su dipartimentu de esploratzione lunare e de s’ispàtziu siderale de s’Acadèmia Tzinesa de Sièntzias.

S’espertu narat chi b’at diferèntzias mannas  intre sas duas caras de sa Luna: pro nàrrere, unu 60% de sa cara visìbile est cugugiada dae  mares de basaltu, cando chi su prus  de sa cara cuada est tudada dae giassos montaninos  de anortosita (19 de sos  22 mares lunares sunt  in sa parte chi si podet bìdere dae sa  Terra).

In su matessi tempus sos istudiosos ant a  chircare  de crarire àteras chistiones,  comente sa resone chi su pìgiu de  sa Luna  est meda prus grussu in sa  cara cuada. “Sas pedras de sa cara cuada sunt prus antigas. S’anàlisi de sa cumpositzione issoro nos at a agiuare  a cumprèndere mègius s’evolutzione  de sa Luna”, agiunghet Zou.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Ricerca scientifica e spazio: il progetto italo-cinese sulla luna

Moon mapping, verso la seconda fase del progetto del programma italo-cinese che punta alla realizzazione …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: