Home / Articoli / Altro / Libru in sardu tra fantascièntzia e eros
Unica Radio App

Libru in sardu tra fantascièntzia e eros

Fantascièntzia e erotismu in sardu. Temi mai o belle mai esplorados in sa limba de s’ìsula.

Ma b’ant fintzas argumentos in manera rara afrontados custu, comente a paesàgios urbanos e tecnologia. Sunt sas particularidades de “Metropolitània e àteros contos tòpicos, distòpicos e utòpicos”, volùmene chi collit 12 contados in sardu de Giuseppe Corongiu, 53 annos, giai responsàbile de sas polìticas linguìsticas regionales de su 2006 finu a s’abbentu de sa Giunta Pigliaru. Su libru essit in custas dies pro sa sotziedade editoriale Palabanda, dirìgida dae Gabriella Ranno.

In s’esòrdiu narrativu suo Corongiu, chi giai aiat publicadu diversas òperas saggistiche, ghetat pontes tra sotziedade rurale e urbana, chirchende in manera aberta s’innovatzione e seghende cun sos ischemas traditzionales de sa literadura in sardu. In sas ultres 400 pàginas de s’òpera, sa sardità de s’ovile s’est definitivamente trasformada in cussa distopica de unu futuru agghiacciante o in cussa cuntemporànea de una sotziedade globalizada. Indagat fintzas, cun pessimismo de fundu, subra polìtica, burocratzia e giornalismu mescolando temas graes e leggerezza: relatas difìtziles, crisi econòmica, tzinismu, ipocrisia, sessu tra umanos e ratzas alienas, discàrrigas nucleares e penitentziàrias, tzerachias militares, mannos avenimentos, minores fatos, sa favola ammajadora, su grogu politziescu, su thriller polìticu.

Sa limba, chi assentat sa richesa de sa polinomia dialetale in un’ischema unitàriu (Lsc), disafiu sa cuntemporaneidade e su futuru cun una chirca filològica e una diversidade lessicale chi chircat de conchistare fintzas chi non faeddat bene su sardu. Fatzìlitat posca sa leggibilità s’impreu de s’innovativu font editoriale Easy Reader propostu dae Palabanda editziones: adatu fintzas pro dislessici e pro chi tenet problemas a sa bista.
Tra belle unu mese in totus sas librerias de s’ìsula e in su mercadu eletrònicu.

Francesco Renga Tour 2019

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Nuovi appuntamenti nel weekend per la rassegna Civic’Art

Fine settimana ricco di appuntamenti per la rassegna Civic’Art Sarà un weekend ricco di appuntamenti quello …

Rispondi

Questo sito usa Akismet per ridurre lo spam. Scopri come i tuoi dati vengono elaborati.

%d blogger hanno fatto clic su Mi Piace per questo: