Alexa Unica Radio
casteddu ghetu

Òperas de Banksy in mustra in su Ghetu de Casteddu

A su Ghetu trinta serigrafie de su street artist Bansky

Su sinnu cuntemporàneu, provocatorio, dissonante, pro pònnere in lughe paradossos e contradditziones de su tempus nostru. Pro mèdiu de unu messàgiu immediatu e un’ ironia meda british. Torrant a Casteddu sas òperas de Banksy, una de sas firmas prus nòdidas de sa Street arte internatzionale. A pustis de sa resessida de sa colletiva Multet Street Arte allestita in su 2016 a sa galleria The AB Factory cun chimbe òperas espostas, oras faghet tapa a su tzentru culturale su Ghetu s’articulada mustra itinerante “From the street to the Museum”, curada dae Gianluca Martzianos e Stefano Antonelli, prodùida dae Cunsòrtziu Camù e Assòtziu Metamorfosi.

Unu percursu espositivu scandito de una trentina de òperas rapresentativas de su Bansky pensamentu, realizadas in serigrafie tra su 2001 e su 2010 de su street artist sena furriadu, sa cale identidade imboligada in s’arcanu alimentat su mitu. Creatziones artìsticas chi ant torradu populare a beru in su mundu su writer inglesu, cun sa sua poètica e protesta visiva subra muros, pontes e caminos de capitales e àngulos de su mundu. Sas òperas ant a èssere espostas partinde dae chenàburas 12 trìulas a sas 18.30 e finas su 27 santugaine.

“Sos mùltiplos sunt pro Banksy sa crae de tzita pro torrare accessibile s’arte contra su sistema de mercificazione”, at ispiegadu Gianluca Martzianos – Cun s’ograda irònica sua nch’agiudat a cumprèndere su mundu in cale bivamus. Un’artista follemente punk 2.0″. Tres sos temas chi rugrant sa mustra e caros a su street artist: gherra, capitalismu, libertade. Sa mustra est arricada dae video, pannellos e ogetos. In espositzione ispicant Monkey Queen, Turf war cun unu Churchill cun chighirista punk fluorescente. Posca sas duas òperas prus famadas, Girls with balloon, immàgine de sa disillusione, e a cungiare su percursu Love is in the air, “traspositzione in immàgines de su famadu innu patzifista ‘ponides de sos frores in sos cannones bostros'”, cummentat Stefano Antonelli. opo Casteddu sa mustra at a andare a Gènova ue at a èssere esposta dae su 20 santandria a Palatzu Ducale.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

#IContitornano. Il Circuito commerciale Sardex per la cultura e il sociale

Get Widget Mercoledì 26 settembre Sardex, in collaborazione con Sardinia Is My life, chiama a …

Lascia un commento

Il tuo indirizzo email non sarà pubblicato.