Istùdios in sa mùsica sarda a Bangkok

Documentàriu in sa mùsica sarda web curadu dae Universidade de Casteddu e Isre

Istùdios in sa mùsica sarda made in Sardigna protagonistas de s’ICTM World Conference, sa prus importante cunferèntzia mundiale de etnomusicologia in programma ocannu a Bangkok, in Thailàndia.

Durante sos traballos at a èssere presentadu su web documentary Trajos: Making Music in Sardinia Today, unu progetu multimediale co-prodùidu dae su Labimus de s’Universidade de sos Istùdios de Casteddu e de s’Istitutu Superiore Regionale Etnogràficu, unu traballu pensadu e realizadu dae Ignazio Macchiarella (professore a s’Universidade de Casteddu), Marco Lutzu (ricercadore a s’Universidade de Casteddu) e de Diego Panes (etnomusicologo referente ISRE). Su web documentary Trajos est una prataforma multimediale chi veìculat cuntentos dedicados a su fàghere mùsica in Sardigna in su mundu cuntemporàneu. Unu modu innovativu de presentare sa chirca etnomusicologica pro mèdiu de testos navigàbiles, video documentàrios, reportage fotogràficos, contribuidos artìsticos e riflessiones de àmbitu acadèmicu chi diàlogant tra issos.

Sos càbidos de sa prataforma s’articulant in tres setziones printzipales: People, Performance, Places. Su progetu Trajos est istadu giai presentadu a sa CSTM Conference 2018 a s’Universidade de Regina, in Canadà e a s’Universidade de Minsk in Bielorùssia.

A s’anteprima programmada custu sàbadu a s’ICTM World Conference de Bangkok, nd’at a sighire un’àtera in s’imbeniente cabudanni in ocasione de s’European Semenare in Ethnomusicology (ESEM) acanta s’Universidade de Durham, in su Regnu Unidu.

Trajos at a bènnere infines presentadu in sa forma finale sua a sa fine de su 2019, cun duos diversos eventos programmados a Casteddu e Nùgoro.