Alexa Unica Radio
binu siddura

Binu: Siddúra punta subra Rùssia e Oriente

Mosca, Hong Kong e Singapore sos noos mercados de binu de esplorare pro Siddúra

Su binu Siddúra punta subra Mosca, Hong Kong e Singapore. Rùssia e Oriente sunt sos mercados a cales si girat sa cantina de Logusantu, premiada de reghente cun su Plàtinu a su Decanter de Londra pro su Bèru, vermentino Docg superiore.

S’Itàlia est su Paisu chi esportat prus binu in Rùssia e sas bèndidas sunt in costante aumentu, cun una crèschida de su 14 % solu in s’ùrtimu annu. In su 2018 su balore de sas sacas cara a sa Rùssia est istadu contadu in 262 milliones de èuros. Sa cantina gadduresa at detzìdidu de puntare in custu mercadu travessu packaging, tzita e calidade de su produtu. “Est unu mercadu meda interessante. Sos russos de diversos annos ant iscobertu sa Sardigna – ispiegat s’amministradore delegadu Massimo Ruggero – s’ambiente intregu suo e sa calidade de sos binos suos.

Agatant s’identidade issoro, de unu pòpulu forte e detzìdidu, in sos binos prodùidos in Sardigna“.

Siddùra in su 2018 at incumentzadu su biàgiu suo cara a est gràtzias a su partenariadu cun unu forte importadore ispetzializadu in su mercadu giaponesu. S’acòrdiu est oramai operativu. Ma sas codìssias cumertziales de sa cantina de Logusantu non si firmant a Tòkyo e dintorni: b’ant nessi unos àteros duos snodi fundamentales subra cales traballare, Hong Kong e Singapore.

Marcu Monta·los, delegadu a sas fainas de s’export pro Siddùra ispiegat: “semus giai ativos in Amèrica de su Nord e, de carchi mese, in Giapone. S’obietivu de segudare intro ocannu est consolidare su mercadu nipponico e intrare in logos ue esistet dae tempus un’importante cultura de su binu, comente a Hong Kong e Singapore. Fintzas sa Corea de su Sud, cun sa giusta istrategia, podet èssere meda interessante: sa recherta de binu de calidade non mancat”.

E posca b’at sa Tzina. “Su mercadu tzinesu – pretzisa Ruggero – est influentzadu mescamente de sa notoriedade de su brand, s’Itàlia est faghende passos a in antis, ma sos binos sardos sunt àncoras totus de iscobèrrere”.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

BASTIONE CAGLIARI

Un tour al Bastione tra arte e buon vino

Get Widget Continuano le attività dedicate all’arte e al patrimonio enologico regionale che coinvolgono i …

Lascia un commento

Il tuo indirizzo email non sarà pubblicato.