Casteddu, partzint ascensores Casteddu

Cabinas elètricas turìsticas e cun àera cunditzionada in sos ascensores

Turìsticos, còmodos, seguros e cun s’àera cunditzionada. Martis 9 trìulas partzint sos ascensores chi collegant pratza Yenne e viale Regina Elena cun su bighinadu de Casteddu. L’annùntziat sa Comuna a pustis de sa congruida de sos interventos de mantenidura istraordinària de sos impiantos.

Sos ascensores pro su bighinadu prus artu de sa tzitade fiant firmos de ultres un’annu. E oras sunt istados remplasados cun noas màchinas elètricas. Sos noos impiantos sunt cussos de Santa Chiara, Terrapieno artu (isbarcu in piazzetta Mundula) e San Remy (isbarcu siat in sa terratza de su Bastione chi in sa bia Fossario).

Su Comunu fiat traballende a su progetu de belle tres annos. De cando est a nàrrere sos ascensores ant cumintzadu a dare problemas – e posca forfait – cun semper majore fitiania. Fiant istados installados in su 2001 cun s’obietivu de collegare mègius Casteddu a su restu de sa tzitade. In cussos annos si faeddaiat fintzas de tapis roulant, ma posca s’idea est istadu torrada a pònnere in su calàsciu. “Mi’ una bona notizia chi sos cagliaritani arreaiant dae tempus – afirmat su sìndigu Paolo Truzzu – Su Casteddu at a èssere in fines accessibile cun sos noos ascensores, e un’ala importante de su cabulogu in manera prena fruibile de tzitadinos e turistas”.