Publitzidade, cassa a su nou Gavino Sanna

Adci promovet cuncùrridu ghenna de intrada a Cannes Lions 2019, eventu dedicadu a sa publitzidade

Cassat a su nou Gavino Sanna. Publitzitàrios, registas, designer, web designer e creativos in rampa de làntziu a su contest Giòvanos Leones 2019, cuncùrridu riservadu a còpias de creativos naschidos a pustis de su 21 làmpadas 1988. Podet èssere sa ghenna de intrada a s’Olimpo de sa publitzidade mundiale, overas su Cannes Lions 2019, su Fèstival internatzionale de sa creatividade. Organizadu dae s’Adci – Arte director tzìrculu italianu, su cuncursu si proponet apuntu de “stanare” e avalorare sos talentu de sa noa generatzione.

“Sos sardos, tzito unu pro totu Gavino Sanna, ma ce sunt medas e unos àteros e bonos a s’internu de sas diversas agèntzias sunt de semper protagonistas a diversos livellos in su setore nostru – cummentat Vicky Gitto presidente de s’Arte directors tzìrculu italianu, sitzilianu – pro custu a beru los incorago a si pònnere in giogu in custu contest pro ite sa prospetiva de èssere afilados a Cannes est cuncreta, bera e tangìbile. Una bona idea est unu carchi cosa chi tengiamus totu intro de nois – contina su presidente ADCI – e tando totu, a prescìndere de su portfolio o de s’esperièntzia, sunt cumpetitivos in custu contest. Naro a totus: proadas a bos regalare sa resessida, ponides a sa proa su talentu bostru, sena indugio e sena timidezze”.

Sas categorias? De sa setzione film, a s’istampa, finas a cussa riservada a sas campagnas de Pr. Sa giuria, assentada dae sos creativos de s’Arte directors tzìrculu italianu, at a valutare sos elaborados in tèrmines de creatividades, realizatzione e originalidade de s’idea e tando incoronerà sas tres còpias creativas autoras de sas mègius campagnas pro cada categoria. Sos binchidores, ultres a partetzipare a sa Young Lions Competition, ant a èssere iscritos de deretu comente a delegados e istràngios de Adci de sas rispetivas categorias a su Cannes Lions 2019.