Alexa Unica Radio
letteratura

Literadura, a làmpadas torrat Licanias a Neunele

Ultres 40 istràngios a Neunele pro Licanias e trasferta a su Salone libru de Torinu

Ultres 40 istràngios a Neunele in bator dies pro Licanias tra incontros, presentadas literàrias, mustras e cuntzertos. Si cumintzat de s’ex Cccp e Csi Massimo Zamboni, in sa duplice beste de iscritore e musitzista. De sos àteros fintzas Giuseppe Culicchia, Tiziano Scarpa, Aldo Noe, Piergiorgio Odifreddi, Roberto Cotroneo. De su 6 a su 9 làmpadas torrat Licanias, manifestatzione naschida e creschida a Neunele, su tzentru de su Barigadu cun 680 abitantes.

Meda literadura ma peri enogastronomia: s’ala culinària de sa manifestatzione, Ischit fregulada, est in programma a santugaine. Sa novidade de ocannu, ultres sa collocatzione in beranu anziché in atòngiu, est rapresentada dae su cuncursu literàriu de narrativa pro autores naschidos o residentes in s’Ìsula. Su cartellone est istadu allestito cun su contributu de sa Regione e de sa Fundatzione de Sardigna cun sa collaboratzione de s’Unione de sas comunas de su Barigadu. S’apuntamentu at a èssere pretzèdidu dae una sèrie de anteprime in diversos tzentros de s’ìsula e de una trasferta a su Salone internatzionale de su libru de Torinu. Timat de ocannu: mudaduras. Cun sas mudadas referidas a totu sos campos: economia, polìtica, arte, sotziedade.”Sa colada editzione apamus faeddadu de raighinas – at naradu Alessandro Marongiu, diretore artìsticu – e in carchi modu sigamus cun sas mudaduras. Partinde pròpiu de unu logu sìmbulu de sa mudada, Berlinu, contadu dae Zamboni”. Licanias at a dare ispàtziu fintzas a sas iscolas de su Barigadu: presente Alfredo Stoppa, autore de una quarantina de libros pro pitzocos.

“Totu est naschidu in su 2010 – at contadu su sìndigu de Neunele Salvatore Cau – ma de chimbe annos apamus dadu custa forte connotatzione literària. In custa editzione apamus detzìdidu de scindere su programma in duos perìodos diferentes”. Sa literadura at a èssere tratada a totu campu. E s’at a faeddare, pro mèdiu de sos libros, fintzas de editoria, isport, mùsica, giornalismu, giornaleddos e tatuaggi.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Lascia un commento

Il tuo indirizzo email non sarà pubblicato.