Alexa Unica Radio
pompu coccoi

A Pompu s’eventu Fromentu dedicadu a s’arte de su pane

Una die a Pompu tra assaget, laboratòrios e bìsitas ghiadas dedicadas a su pane e a su trigu

Una die dedicada a su pane e a su recùperu de sos antigos trigos autòctonos. Su 4 maju a Pompu, paisu de s’aristanesu tra sos cùcuros de s’arta Marmilla, s’acumprit “Fromentu – Sagra de su pane e de su trigu” cun assaget de sos produtos de furru, laboratòrios cun sas manos in pasta e bìsitas a sa Domo de su Pane, museu multimediale ue est possìbile fintzas pernottare. Organizada dae Pro Loco e Comuna de Pompu, sa manifestatzione permitet de assistire de in antis manu a sas fases de sa panificazione pro mèdiu de sa sapièntzia de Efisianna, Gisella, Celestina e Armida. Sunt carchi fèmina chi a Pompu sin de minores ant imparadu sos segretos de custa arte.

In primu bellu s’antiga macinazione a pedra pro realizare sas farinas chi ant a èssere fermentadas cun su lievito mama e traballadas pro fàghere panes cotos a arte in su traditzionale furru a legna. B’at a àere fintzas su poleddu chi macina su trigu pro sa farina. Su primore de custu alimentu identitario est dèpida a su recùperu de sos trigos autòctonos in manera antiga coltivados in Sardigna de cales s’otenent farinas de sas diversas propiedades. Unu tema chi at a èssere afrontadu durante su cunvegnu fissadu pro sas 11, “A s’iscoperta de sos trigos antigos in sa panificazione”.

Totu su paisu est interessadu in custa festa, chi divenit unu ritu colletivu. Durante sa sagra s’at a pòdere assistire a sas fases de sa traballadura, de s’ispiga a su pane. Ispicant in su programma, s’ispetàculu cooking de Roberto Meloni, campione mundiale de pizza subra pala e sos dischentes suos, s’esibitzione itinerante de su Coro de Atzara e unu percursu sensoriale interativu “Bread Experience”. In su merie sa premiatzione de sos atletas chi ant partetzipadu a s’endurance in mountain bike Myland promòvidu dae su Cunsòrtziu Duos Giare.

Abc Musica La musica come non l'avete mai sentita!

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

agrumi

Arribbat su primu pane de trigu arricadu cun fibras de agrùmenes

At a arribbare chitzo in sas tàulas su primu pane de trigu tostu arricadu cun …

Lascia un commento

Il tuo indirizzo email non sarà pubblicato. I campi obbligatori sono contrassegnati *