Alexa Unica Radio
incendio documentario fogu

Cumportamentos e cautelas de sighire s’in casu partat su fogu

Cautelas de sighire s’in casu partat su fogu a tutela de s’incolumidade de sas persone

A tutela de s’incolumidade de sas persones in casu de fogu est pretzisu a dare cara e a si cumportare in custa manera (su de 3 artìculos de su primu Tìtulu – “Dispositziones generales” – de sas Prescritziones regionales contra a su fogu de su 2014).

SI PARTIT SU FOGU:

chircade de nde l’istudare petzi cun sa seguresa de àere su tretu netzessàriu a fuire istende palas a bentu e addobbade sas framas cun una frasca finas a las isfiadare;
evitade de abarrare in sos logos chi istant subra su fogu o in sas zonas cara a sas cales sulat su bentu;
evitade de atraessare su caminu assemidadu dae su fumu o dae sas framas;
evitade de parchegiare peri sos caminos;
evitade de bos pònnere in coa a sas àteras màchinas e, cando possìbile, torrade in dae segus;
fatzilitade s’interventu de sos automesos de sucursu, liberende sos caminos e sena los ocupare cun sas màchinas;
indicade a sas iscuadras de istudadura sos caminos chi si podent percùrrere;
ponide e a disponimentu riservas de abba e àteras atretzaduras.

SI SU FOGU BOS INGHÌRIAT:

chircade su tretu pro bos iscostiare cun seguresa dae sas framas, unu caminu, unu cursu de abba e de bos nche frànghere in un’àrea lìbera dae sos combustìbiles;
atraessade su logu in ue sas framas sunt prus lenas pro nche colare in sa parte giai brusiada;
si seis in mare, agrupade·bos in s’arenile e ghetade·bos in s’abba bassa: est su logu prus seguru;
non tenteis de recuperare màchina, moto, tendas o cantu est istadu lassadu in intro;
signalade sa presèntzia bostra;
amparade bòmbolas de gas e serbatojos de lìcuidos chi podent leare fogu;
evitade de lassare sas domos si no b’at seguresa de pòdere fuire;
disativade s’impiantu elètricu dae s’interrutore generale o dae su misuradore de currente;
sigillade cun pabiru adesivu e cun pannos ifustos ghennas e ventanas;
ammaniade istèrgios prenos de abba, pannos ifustos e chircade de bos nche frànghere in sos ambientes prus internos de s’abitatzione, respirende pro mèdiu de unu pannu ùmidu.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Olmedo sardo scuola

Venedì 29 aprile a Olmedo l’evento “Il sardo nella scuola”

Get Widget Organizzato da Assemblea Natzionale Sarda (ANS) con il gratuito patrocinio del Comune Al …

Lascia un commento

Il tuo indirizzo email non sarà pubblicato.