Unica Radio App
peccatori

Turismu scommette in sos burgos de sa pisca

Bandu de 360mila èuru pro rilantzo in 15 comunas de s’Aristanesa gràtzias a sos burgos de sa pisca

Trecentosessantamila èuru pro riqualificare e rilantzare sos burgos de sa pisca. Interessados bìndighi comunos: Arborea, Àrbus, Boàtiri, Crabas, Cùllieri, Gùspini, Marrubiu, Narabuia, Nurachi, Aristanis, Pramas, Arriora, Santa Justa, Sant’Eru, Terrarba. Est su bandu de Flag Pischende Sardigna Atzentro Otzidentale e si mutit “Imbellinde”: finantziat interventos propostos dae sos entes locales de su territòriu pro sos puntos de isbarcu de su pische e pro sos porticcioli de pisca. Giustu: megiorare s’igiene e sa calidade ambientale. Ma fintzas creare sas cunditziones pro atirare e acollire turistas.

e20393c1562de8ead187efef578030f1 Turismu scommette in sos burgos de sa pisca

“Custu bandu destinat importantes risursas pro interventos cuncretos de valorizatzione de sos burgos de sa pisca – ispiegat su presidente de su Flag, Alessandro Murana – Custos logos so a forte ligados a sa cultura de sa comunidade nostra e tenent mannas potentzialidades, ispetzialmente de su puntu de bista turìsticu. Pro custu motivu su Flag nde suportat sa ricualificatzione, pro mèdiu de s’amparu a sos interventos infrastrutturali chi ant a propònnere sas comunas”. Unu traballu giai impostadu.

“Su Flag Pischende est sighende su percursu de recùperu e valorizatzione de sas traditziones ligadas a su setore ittico de su territòriu – sutalìniat su diretore, Mauro Tuzzolino – In custos meses apamus acumpridu un’intensu traballu chi at interessadu totu sa comunidade de su Flag in manera trasversale. Apamus fatu faina de formatzione cun sos operadores de sa pisca, recuperadu antigas retzetas de mare cun sos sèneghes, avaloradu su piscadu cun menùs innovativos propostos dae sos chef de sos ristorantes nostros, apamus batidu sos pipios de sas iscolas primàrias a s’iscoberta de sos logos autènticos de sa pisca”.

Rassegna Significante

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Lascia un commento

Il tuo indirizzo email non sarà pubblicato. I campi obbligatori sono contrassegnati *