Cascu 3D pro esplorare domo pùnica gràtzias a unu progetu

Sutzèdidu pro su progetu Beth 3D naschidu cun su bandu Culturas Lab 2017

Rivive a Santu Antiogu s’atmosfera de una domo de su perìodu pùnicu gràtzias a su 3D. Sas noas tecnologias gràficas e de intrattenimento sunt istadas impreadas a suportu de sa bìsita a un’ domo de s’antiga Sulki torrada a costrùere virtualmente, in ogni minuda, intro sa tzitade. Cun tantu de bentanas cun bista in sa Laguna e in su panorama in tundu.

Sa ricostrutzione 3D e sa supervisione de sos archeòlogos at permìtidu a tzitadinos e turistas de immergersi in cussa realidade. Est su progetu Beth 3D, naschidu gràtzias a su Bandu Culturas Lab 2017 de sa Regione e frutu de sa collaboratzione tra sa cooperativa Archeotur de Santu Antiogu (gestore de sos servìtzios a su pùblicu de su Museu Archeològicu Barrecca- Mab) e s’amministratzione cumonale.

“Caschetto cun occhiali pro bisione in 3D, in custu biàgiu virtuale sos visitatori ant pòdidu si mòere cun unu gamepad a s’internu de sa domo e comente a in unu videogiogu, si sentire pro unu sero tzitadinos pùnicos”, ispiegat Sara Muscuso, archeòloga e curadora de su MAB.

In medas ant pòdidu passigiare a s’internu de sa domo, nd’esplorare sos ambientes e nd’osservare sos piessignos de sos arredos a sos utensili, sa bartza pro s’igiene personale, ammirare sas antigas architeturas, s’ambiente domèsticu de sa domo, cun sa corte e su putzu a su tzentru e pòdere bìdere sas abbas suas. “Pro oras apamus seberadu de avalorare sas raras evidèntzias archeològicas, testimonias de una cultura pùnica. Su progetu podet èssere estèndidu a cussas prus ampras de su perìodu nuràgicu pro fàghere divenire sos benes archeològicos nostros e culturales semper prus attrattori turìsticos – agiunghet Muscuso – sas noas tecnologias garantint interattività, mobilidades e universalidade comunicativa. Semus fieros de èssere tra sos primos promotores in Sardigna de unu nou sistema de gosamentu de sa cultura”.

A su progetu ant traballadu fintzas Paola Porcu, esperta de progetatzione subra Fundos europeos, Giampaolo Bruno de Inventiva, espertu de marketing, e Jorma Ferinu de sa Simtech, espertu de realidade virtuale.