Bimbo sarva a Bidda de Putzu testùine ferta in mare

In su sud Sardigna, tartatuga “Caretta caretta” sucùrrida dae Corpus forestale

Una testùine “Caretta Caretta”, ferta dae un’amu e intrappolata in unu groviglio de plàstica, est istada sarvada dae unu pipiu in una marina a Bidda de Putzu, in sa costa sud orientale de sa Sardigna. Su minore Gabriele, mentras passigiaiat, at bidu sa testùine bighinu a sa riba, in tadaja de sas undas. Non chessiat a nadare a càusa de sa plàstica in cale fiat abarrada impigliata. Su pipiu at subidu signaladu s’acatamentu a sos genitores, chi ant mutidu su 1515. In su locu sunt arribbados sos òmines de su Corpus Forestale de Murera, chi ant sucùrridu sa testùine, liberende·la de sa plàstica. De sos imbenientes atzertamentos est istupadu chi s’animale fiat fertu: teniat un’amu conficcato in sa buca.

Sos òmines de sa Forestale ant ativadu sa “Retze regionale de cunservatzione de sa fàuna marina”, chi at assiguradu s’interventu de sos espertos biòlogos e veterinàrios de su Creschent Aristanis. Sa testùine est istada pigada in càrrigu e ricoverada in sa clìnica veterinària Duas Mari, ue est istada sutaposta a un’interventu chirùrgicu pro sa rimotzione de s’amu.

In sas imbenientes dies at a èssere trasferida in una bartza de su Tzentru de recùperu de su Sinis ue at a abarrare in osservatzione, in isetu de espèllere sas eventuales plàsticas ingerite e pro su compudu e sa riabilitatzione motòria. A su tèrmine de totus sas protzeduras at a èssere liberada. Pro s’ocasione at a èssere cumbidada sa famìlia de Gabriale, chi gràtzias a su seju a su 1515 de su Corpus Forestale, at dadu unu sustantziale contributu a su salvataggio.

S’esemplare est istadu mutidu Gabriele in onore a su minore sucurridore suo.