Unica Radio App
mese ideale

Sardigna in movimentu, maju su mese ideale

Destinatzione prus botada dae sos centauri de su portale TrueRiders. Maju in Sardigna de iscobèrrere

Sardigna elègida dae sos mototziclistas italianos comente a meta perfeta pro sas escursiones a maju. S’ìsula est istada seberada dae TrueRiders.it, portale de su grupu Valica, tra sos prus sighidos dae sos centauri.

Sas motivatziones? Sos tornanti a picu in su mare e sos caminos chi si perdonu tra vegetatzione. Ma fintzas su clima e sa tranquillidade: maju est cunsideradu su mese ideale pròpiu pro sas temperaduras mites e pro ite àncoras non b’ant sas mannas trumas chi s’adobiant a trìulas e austu. “Sa Sardigna – ispiegat su portale – est a beru su paradisu de sos mototziclistas, oferende itinerari cun sas curvas a su puntu giustu e panoramas mozzafiato. Sa regione est famada in totu su mundu pro sas localidades balneàrias, ma pro chi amat sas duas rodas s’entroterra est un’ esperièntzia de fàghere una bia in su chintu in sedda a su pròpiu movimentu”.

Ue andare? TrueRiders.it sugerit nessi tres itinerari. Non solu mare, ma fintzas zonas internas. Su primu cursadu ala difatis de Lanusèi e arribbat a Orgosolo. De su coro de s’Ogliastra a sa Barbagia de Seulu colende pro su Parcu Natzionale de su Golfu de Orosei e de su Gennargentu, pro arribbare posca a Aritzu, a sos pees de sos montes prus artos de s’ìsula. Posca àncora sos parcos archeològicos de Lodine. E infines Orgosolo, su paisu de sos murales.

Su segundu itinerario càstiat cara a sa costa otzidentale, de S’Alighera a Bosa. E inoghe si biàgiat castiende su mare de s’artu rugrende 53 chilòmetros de caminu panoràmicu. Su de tres cursadu est prus a sud, de Igrèsias a Buggerru cun tapas a Fontanamare e a sa laveria Lamarmora, istrutura a arcos e colunnas costruida a fine Otighentos. Posca àncoras in sedda cara a Masua e sa splendida badde, narada Canal Manna, amparada dae muros pedrosos a pèntuma in su mare. Pro segudare infines s’ùrtima tapa de su giru, Buggerru, antigu burgu mineràriu.

Rassegna Significante

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Jiu Jitsu brasiliano torna a Cagliari tra sport e turismo

Jiu Jitsu, torna la manifestazione internazionale a Cagliari, disciplina di arti marziali di origine giapponese …

Lascia un commento

Il tuo indirizzo email non sarà pubblicato. I campi obbligatori sono contrassegnati *