Alexa Unica Radio
museo di nuoro

Iscontas logos cultura de su Nugoresu in una mapa turìstica

Bintoto sitos de bisitare in su distretu Atene de sa Sardigna in una mapa de sa cultura

Un’ ampra oferta in sa noa editzione de sa Mapa turìstica de sos logos de sa cultura, unu trastu chi localizat e illustrat sos 28 sitiados presentes in su Nugoresu, distribuida in ultres 50mila còpias. De su 24 abrile a su 31 santugaine at a èssere possìbile bisitare cun un’apòsitu iscontu totus sos museos de su Distretu Culturale-Atene de sa Sardigna. Partinde dae Nùgoro cun su Museu de su Costùmene e su Museu Domo Nadale Gràtziat Deledda, sas mustras de su Man e su Museu Archeològicu natzionale G.

Asproni. Pro sos amantes de sa tziviltade nuràgica b’ant su Nuraghe Tanca Manna in su cabulogu barbaricinop, s’àrea archeològica Susu Tempiesu a Orune e Susu Romanzesu a Vitzi. S’ant a pòdere posca carpire sos segretos de sos Murales de Orgosolo, bisitare su museu Nivola de Orane e su Museu de sas Mascaras Mediterràneas a Mamujada. Iscostiende·si in sa zona de Durgali, s’at a pòdere seberare tra sa Gruta de Ispinigoli, su Museu Archeològicu e s’Acquario de Cala Gonone. Sa Mapa est istada presentada dae sos rapresentantes de su Distretu Culturale e de su sìndigu Luciano Barone. “Est unu trastu chi proponet un’ oferta agregada e istruturada, ùtile fintzas pro sos giros operator, pro sas ghias turìsticas e pro chi bolet connòschere sas realidades museali e sos logos de sa cultura in modu fàtzile, lestru e riconoscibile – at ispiegadu su presidente de su Distretu Agostino Cicalò – Fintzas pro custu motivu apamus distribuidu sa Mapa in 50.000 còpias in ultres 100 puntos tra infopoint, batis, aeroportos, hotel, tzilleris e amministratziones cumonales in totu sa Sardigna”.

“Su traballu de sa mesa de sos museos chi deo rapresento est caraterizadu dae un’ispìritu de amighèntzia – at sutaliniadu Francarosa Contu, moderadora de sa mesa – EST una carta in un’ època digitale, ma est bellu tocare una matèria in sa cale sunt rapresentados sos logos e ue est possìbile fàghere unu percursu fintzas de immaginatzione pro mèdiu de sas 28 realidades de segudare. Sa Mapa presentat 28 coupon chi podent èssere istacados de bia in furriada e presentados in sas biglietterie de sos logos chi si cheret bisitare, custu si tenet diritu a un’iscontu chi at a bènnere moduladu dae ogni istrutura in sa base de sas pròpias disponibilidades”.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Nuoro Job Day 2024

Nuoro, ecco il Job Day

Il Job Day Sardegna 2024, un’iniziativa promossa dall’assessorato regionale del Lavoro e dall’Aspal. Nuoro dopo …