Home / Articoli / Altro / Un’aplicatzione po Android po chi iscriet meda in sardu
Unica Radio App

Un’aplicatzione po Android po chi iscriet meda in sardu

Oe bos presentamus un’aplicatzione chi, pro chi iscriet meda in sardu e in àteras limbas impreende sos dispositivos Android, at a èssere ùtile meda: AnySoftKeyboard.

AnySoftKeyboard est una tastiera po sos dispositovos Android chi permitit de installare e impreare paris pachetes de medas limbas, e como b’at fintzas su sardu!

Amos giai publicadu àteras tastieras in sardu pro Android (Google Keyboard and Swiftkey), ma custa tenet cosas de importu in prus chi sas àteras non teniant:

1 – Una lista de paràulas meda prus manna e a norma

2 – Sa possibilidade de colare dae una limba a s’àtera incarchende unu butone. Gboard e Swiftkey, si installas duas o prus limbas, ponent totu sos ditzionàrios paris ammisturende·los, e diant dèpere, a pustis, imparare cale paràulas cussigiare impreende un’algoritmu. AnySoftKeyboard, imbetzes, las mantenet separadas, e non b’at sa possibilidade de fàghere confusione.

3 – In sa tastiera in sardu de AnySoftKeyboard amus insertadu fintzas su puntigheddu “·”, chi si podet agatare in paràulas comente a “chirchende·lu”, “narende·li” e gasi sighende.

Pro l’installare sighide custa ghia:

1 – Installade AnySoftKeyboard e sos pachetes de sas limbas chi cherides (es. sardu, inglesu e italianu) dae su Google Play Store

2 – Aberide AnySoftKeyboard dae sa lista de sas aplicatziones

3 – Sighide sas istrutziones chi bos at a dare

4 – Si cherides, personalizade·bos sas impostatziones

5 – Fatu! Como podides impreare AnySoftKeyboard in su dispositivu bostru! Pro colare dae una limba a s’àtera ais petzi a dèpere incarcare su butone in artu a destra de sa tastiera.

Custu est su ligàmene pro installare AnySoftKeyboard:
https://play.google.com/store/apps/details…

E custu est cussu pro su pachete pro sa limba sarda:
https://play.google.com/store/apps/details…

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Intervista a Greta Zamperoni: “UnibookApp semplifica la vita degli studenti”

Abbiamo intervistato Greta Zamperoni per scoprire di più su Unibook, l’app nata per migliorare la …

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.