Home / Articoli / Altro / Sassaresu linga, diarettu sardhu, o itarianu?
Unica Radio App

Sassaresu linga, diarettu sardhu, o itarianu?

Lu sassaresu è una linga, un diarettu sardhu, o itarianu, a sigunda di l’aiperthu linghistha. Indì è la viriddai?

La viriddai è i lu cori di ca lu fabedda i la nuimmariddai di dugna dì e di ca no vo fallu murì. Lu sassaresu è la luzi di Sassari, ki pa umbè di sassaresi vo dì “Patria” e tradizioni. Ma kisth’isthima no ridesci a arriggì e mancu a cuntrasthà l’aprettu linghisthiggu di l’operadori di la linga itariana. Una situazioni da “Genocidio Bianco”, a ipricà li parauri di Sergio Salvi, ki risenti, puru di l’appundaradda di kissi sardofoni ki, cu’ l’ischusa ki lu sassaresu è un “diarettu”, voni fagocitallu.

La linga sassaresa pa essé assibisthadda e interiorizadda, ke mezu modernu di comunicazioni, debi ischutzurassi di tutti kissi autolesionismi, akì kisthi puru la so cundannendi.

La matessi alfabetizazioni ischurasthigga (la viriddai poggh’ischori), ki intrega a la ginniratzioni noba kisthu patrimoniu, dubaristhia aduttà, kena pregiudizi, un sassaresu ki no sia, cumenti dizi lu grottorogu Salvatore Dedola, «Copiato pedissequamente» da l’itarianu. Una linga fotocopia, seiva, no à pruipittibi, e lu risultaddu, infatti, di lu cunsideru di diarettu satelliti di la “lingua nazionale”, lu vidimmu abà, a linga guasi mortha. Abà, pa esenpiu, tzi so passoni ki impreani fintzamenta lu veibu abé cumenti in itarianu, cun la /H/. Ma in tricurori hanno è un veibu e anno è un susthantibu; hai, è un veibu e ai una pripusizioni arthicuradda: la /h/ si poni a manera di no cunfundì li dui omofoni. In sassaresu, li lemmi funtumaddi in itarianu, saristhiani: ani, annu, ai, a li. Akì punì la /h/?

Lu sassaresu po dibintà torra linga d’impreu nuimmari si li sassaresi abarani a akipì a fabiddallu, e si abarà a abè un riccunnoscimentu puritiggu, tandu ischurasthiggu, e sutziari cumpriddu. Kisthu vo dì a dalli, o a pigliassi, in l’esercitziu di la dimucratzia linghisthigga, la matessi impurthantzia e pussibiriddai ki oggi à l’itarianu.

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Tilingiones de Antoninu Rubattu pro sa Limba nostra

Antoninu Rubattu binciadat su primu prémiu a su VII^ Cuncursu Nassionale de Poesia Dialettale “ROMA …

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.