Alexa Unica Radio
garibaldi

Garibaldi, unu massaju rivolutzionàriu a Caprera

Nou chintu pro terrenos coltivados a Caprera de eroe de sos duos mundados

Eroe de sos duos mundos. Ma fintzas massaju in sa sua Caprera. Semper, però, cun su matessi ispìritu: rivolutzionàriu fintzas in su modu de coltivare sos campos e praticamente precursore de sa chi oe si mutit economia tzirculare. De sa pagu connota beste de Garibaldi s’at a faeddare s’imbeniente 29 abrile, cun cumintzu a sas 15, in sa Biblioteca de su Senadu. Un’incontru in collaboratzione cun sa Fases, sa Federatzione chi agrupo sos sardos in Itàlia, s’assòtziu “Garibaldi Massaju: Ambiente, Paesàgiu, Identidade” e sa Water Right Foundation (Wrf). E cun sa partetzipatzione de Slow Food e Unpli, assòtzios chi ant promòvidu sa ricualificatzione de s’agrumeto de Garibaldi a s’internu de s’àrea de sos ortos a issu intitulados.

In ocasione de s’eventu in Senadu at a èssere isveladu su càbidu de su progetu de recùperu de sos fundos agrìculos. Pro mèdiu de sa figura istòrica de Giuseppe Garibaldi, si bolet recuperare su raportu tra s’òmine e sa natura, torradu a costrùere in sa base de sos cuadernos suos, atzapados a su Museu de su Risorgimentu de Milanu e sos iscritos agatados a Roma: Garibaldi annodaiat scrupolosamente totu custu chi isperimentaiat in sos pròpios terrenos. Custa faina comente a massaju l’est bàlidu fintzas de sos prèmios, tra cales sa Medàllia pro s’Espositzione agrìcula de Tàtari de su 1874.

De su puntu de bista ambientale, s’obietivu de su progetu est su recùperu de s’àrea rurale impreada dae Garibaldi e su riprìstinu de sos ispàtzios destinados a sos coltivos de sas terras, oe abbandonadas e cugugiadas dae sa vegetatzione ispontànea. In manera istrinta collegada a cultura e ambiente est sa promotzione de s’ìsula de Caprera, in s’òtica de sa valorizatzione de su turismu sostenibile. A custu propòsitu, in connessione cun su mundu de s’impresa, si pensat a s’istitutzione de unu prèmiu pro start-up innovativas chi òperant in su campu agrìculu. S’apuntamentu de su 29, moderadu dae su giornalista Anthony Muroni, responsàbile tzita de sa Biblioteca de Palatzu Madama, e introduidu dae sos saludes de su senadore M5s Gianni Marilotti, est divididu in tres sessiones, at a tènnere un’ala istòrica, un’acostamentu sientìficu e s’at a concruire cun interventos relativos a sas prospetivas pro su futuru.

About redatzione sardo

Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

agricoltura

Un nuovo modo di pensare all’agricoltura

Urge fortemente ricucire il rapporto tra essere umano e natura. La soluzione più semplice? Un’agricoltura …