Home / Articoli / Altro / S’aplicatzione Calibre: unu libru dae unu formadu a s’àteru
Unica Radio App

S’aplicatzione Calibre: unu libru dae unu formadu a s’àteru

Calibre esti unu leghidore de libros digitales chi tenet funtzionalidade interessante meda

Chie tenet unu leghidore de libros digitales (es. Kindle, Kobo etz.) probabilmente connoschet giai s’aplicatzione Calibre, chi permitit de organizare sa libreria de un’impreadore in manera fàtzile e de bortare unu libru dae unu formadu a s’àteru in pagos segundos. Calibre tenet fintzas un’àtera funtzionalidade interessante meda: permitit de iscarrigare noas dae medas mitzas (giornales e blogs de cada casta e limba) in formados adatos pro las importare in su leghidore bostru. Dae carchi tempus in sa lista de sas limbas b’est fintzas su sardu, cun 4 mitzas de noas de iscarrigare. Bidimus comente fàghere:

1 – Aberide Calibre

2 – Incarcade in “Scarica notizie” (o su chi b’est in sa limba chi seis impreende)

3 – Chircade su sardu intre sas limbas

4 – Isseberade finas a canto cherides torrare in segus cun sas dies pro sa chirca de sas noas (es. 60 o 150 dies)

5 – Isseberade si cherides programmare s’iscarrigamentu automàticu de sas noas e incarcade in “Salva” pro sarvare sas impostatziones, o in “Scarica ora” si las cherides iscarrigare manualmente.

Fatu! In pagos segundos sas noas ant a èssere sarvadas in Calibre comente documentos adatos, las ais a pòdere abèrrere semper in intro Calibre e las ais a pòdere esportare in su leghidore bostru! O, si ais giai impostadu sa cumpartzidura de libros pro mèdiu de posta eletrònica, ant a èssere imbiadas automaticamente!

Listen Unica Radio on Spotify

About redatzione sardo

redatzione sardo
Redatzione chi s'òcupat de sas notizias in limba sarda in su portale. Cultura, eventos, tzìnemas, ispetàculu e teatru sunt sos argumentos tratados.

Controlla anche

Ilisso a Torino: libri, novità, presentazioni

La casa editrice Ilisso sarà uno delle protagoniste del Salone del libro di Torino Fedele …

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.